Միասեռականները Հայաստանում իրենց լավ են զգում
Հոգեբան Սվետլաննա
Հարությունյանն այն տեսակետը հայտնեց, որ առ այսօր չկա վերջնական պատասխան,
թե ի վերջո որտեղի՞ց են եկել և ո՞ւր են գնում համասեռականները:
«Մի քանի տարբերակ կա, թե
որտեղի՞ց է առաջանում հոմոսեքսուալիզմը: Ներարգանդային զարգացման երրորդ
ամսից արձանագրվող խախտման հետևանքով կարող է լինել, կարող է` մասկուլին և
ֆեմինին տարրերի ուժգնությունն է տարբեր, կարող է դերի յուրացում լինել,
ասենք` գենդերային կառույցներն ասում են, որ երեխաները կարող են յուրացնել
ցանկացած դեր, քանի որ սեռը միայն դերակատարում է»,- հայտնեց
Հարությունյանը:
Հոգեբանի խոսքերով, առաջին
հերթին պետք է փորձել հասկանալ, թե տվյալ մարդու մոտ որտեղի՞ց է առաջանում
համասեռականությունը, և միգուցե նա իրեն լա՞վ է զգում այդ կարգավիճակում:
«Եթե մարդն իրեն լավ է
զգում միասեռականի դերում, ի՞նչ կարիք կա մարդուն ասել, թե դու հիվանդ
ես»,- հարցրեց Սվետլաննա Հարությունյանը:
Սեքսապաթոլոգ Վրեժ
Շահրամանյանն էլ ասաց, որ Հայաստանում միասեռականի դերում և’ լավ զգացողը,
և’ անհարմար զգացողը որպես կանոն դիմում է բժշկի:
«Իրականում իրեն լավ
զգացող մարդը դիմելու կարիք չունի, նա ապրում է իր կյանքով, սակայան մեզ
մոտ դիմում է բժշկի միջանձնային սեռական հարաբերությունների հետ կապված:
Իրեն այդ վիճակում վատ զգացող մարդը դիմում է` բուժվելու նպատակով»,-
տեղեկացրեց Շահրամանյանը:
Նա նաև նշեց, որ
Հայաստանում շատ են իրենց միասեռականի կարգավիճակում լավ զգացող մարդիկ,
իսկ հիվանդությունների դասակարգումից այսօր արդեն հոմոսեքսուալիզմը դուրս է
մղվել: Միայն այն դեպքում, երբ անձը դժգոհ է իր այդ վիճակից, այն կարող է
համարվել հիվանդություն և նշանակվել համապատասխան բուժում:
| 
